Zëvendësministri i Arsimit, Arbër Geci, i ka quajtur të padrejta dhe të pabaza etiketimet e disa deputetëve të Kuvendit të Kosovës ndaj kryesisë së SBASHK.

Ai ka thënë se si ministri e kanë përmbushur kërkesën e SBAHK-ut për rritje të rrogave, njofton Klan Kosova.

“Obligimi që kemi pasur për rritjen e pagave ka qenë i përgjithshëm. S’ka dallime se SBASHK-u mbron mësimdhënësit dhe ne shohim t’i ndëshkojmë. Edhe ne kemi qenë për rritjen e mirëqenies së mësimdhënësve dhe rrjedhimisht të cilësisë së arsimit. Rritja e rrogave ka ndodhur, kërkesa është plotësuar”, ka thënë Geci.

“SBASHK-u ka të drejtë të mbajë grevën, por nxënësit në anën tjetër kanë të drejtën që të mbajnë mësimin”.

Geci ka deklaruar në Info Magazine se Ministria e Arsimit ka obligim ligjor për marrjen e vendimit për orët e humbura gjatë grevës.

“Ka planprogram për orët. 15 ditë janë humbur orët. Kryetari i SBASHK-ut, Rrahman Jasharaj ka qenë objektiv në shumicën e kohës. Ai nuk mund të hyjë në mes të ministrisë dhe mësimdhënësve. Këta kanë shkuar aq larg sa t’i japin të drejtë dikujt që t’i akuzojë për anime politike”.

“Mësimdhënësit janë të gatshëm që t’i kompensojnë orët, nuk po i lë SBASHK”, është shprehur Geci.

“Po e kontestohet vullneti i mësimdhënëse që t’i mbajnë orët që kanë qenë të parapara të mbahen nga fillimi i vitit shkollor”.

“Nuk dua të besoj se kjo është politike. Nuk besoj se sindikata është e politizuar”.