Kryetari i Komunës së Prishtinës, Shpend Ahmeti, bashkë me nënkryetarin Muhedin Nushi i dorëzuan Arkivit të Qytetit kopjet e dokumenteve arkivore që ndërlidhen me qytetin e Prishtinës, nga Arkivi e Stambollit dhe Arkivi Osman.

Këto dokumente do të jenë të qasshme për publikun, për këdo që është interesuar që t’i shohë e t’i studiojë.

“Aktualisht i kemi të përkthyer titujt e dokumenteve, e jo përmbajtjen. Të gjitha janë të shkruara në gjuhën e vjetër osmane”, thuhet në komunikatë.

Janë 7 519 dosje arkivore, me gjithsej 38 592 dokumente.