Një person është arrestuar për vrasjen e një studenteje izraelite 21-vjeçare në Melburn, thotë policia australiane.

Trupi i Aiia Maasarwe, u gjet pranë Universitetit La Trobe në veri të qytetit. Ajo kishte marrë një tramvaj vonë të martën pas një shfaqje

Ajo u sulmua ndërsa fliste në telefon me motrën e saj thanë autoritetet.

Një 20-vjeçar u arrestua të premten, raporton BBC.

Policia e Victorias nuk dha menjëherë detaje të mëtejshme por falënderoi publikun për ndihmën e tyre.

Më parë, detektivët thanë se nuk përjashtonin mundësinë që Maasarëe u sulmua seksualisht para vrasjes së saj.

“Supozimi ynë në këtë fazë është se ky ishte një sulm i rastit dhe oportunist”, iu tha gazetarëve të enjten inspektori Andrew Stamper.

Vrasja ka ngjallur reagime të shumta në Australi, duke shkaktuar zemërim dhe nxitur debatin për dhunën kundër grave.