Emri Norvegji do të thotë rruga drejt veriut. Zyrtarisht njihet si Mbretëria e Norvegjisë.

Norvegjia është një prej vendeve më të pasur dhe gjithashtu më paqësorë në botë. Është vendi i gjashtë më i madh në Evropë, por për nga popullsia renditet i 28-ti. Vendi e fitoi pavarësinë nga Suedia në vitin 1905.

Norvegjia ka një popullsi prej 5.3 milionë banorë dhe niveli i alfabetizmit është 100 për qind dhe jetëgjatësia mesatare është 81.5 vite dhe sipas Enciklopedisë Britanike, norvegjezët lexojnë më shumë se cilido popull tjetër i botës. Arsimimi në këtë vend është tërësisht falas.

Në këtë vend ndodhen 450 mijë liqene të mrekullueshme, në fakt vetëm 200 prej tyre janë pesë mijë metra katrorë e më shumë për nga madhësia.

Norvegjia përshkruhet shpesh si “Toka e Diellit të Mesnatës”, për shkak se gjatë muajve të verës, nga fundi i majit deri në fund të korrikut, dielli nuk perëndon pothuaj asnjëherë në zonat e vendit që ndodhen në Rrethin e Arktikut, ndërkohë që zona të tjera kanë 20 orë ditë. Megjithatë, në dimër është e kundërta.

Në vitin 1251, Henri III-të i Anglisë mori dhuratë një Ari Polar nga mbreti i Norvegjisë. Ai e mbajti në Kullën e Londrës me një zinxhir të gjatë, me qëllim që ariu të notonte në lumin Tamiz.

Mbreti Harald i Norvegjisë u betua të mbetej i pamartuar për jetë, nëse nuk martohej me dashurinë e tij të vërtetë, e cila ishte bija e një tregtari rrobash. Më vonë ata u martuan dhe ajo u bë mbretëreshë e Norvegjisë.

Norvegjia është vendi ku ndodhet tuneli më i gjatë në botë, Laerdal, me një gjatësi 24.5 kilometra dhe që tërheq shumë turistë. Është një autostradë me dy korsi e pandarë. Në një luginë malore sipër tij ndodhet një tunel i veçantë vetëm për ventilimin. Për të zvogëluar lodhjen mendore dhe klaustrofobinë, si dhe për të pasur pika kthimi mbrapsht, tuneli ka tre shpella të mëdha me dritë blu ose të gjelbër dhe u ndërtua nga viti 1995 deri në 2000 mes Oslos dhe Bergenit.

Gjithashtu, Norvegjia ka tunelin më të thellë nënujor të botës në një thellësi 287 metra.

Qindra dialekte të ndryshëm në Norvegji janë kaq të ndryshëm nga norvegjishtja e shkruar, saqë edhe vendasit e kanë të vështirë të kuptojnë njerëzit nga pjesë të tjera të vendit.

Në total, afro një milionë norvegjezë u larguan nga Norvegjia për në Amerikë rreth vitit 1900, kur vendi kishte afro dy milionë banorë. Ka po aq pasardhës norvegjezësh që jetojnë në Amerikë, sa edhe norvegjezë që jetojnë në Norvegji, sidomos në shtetet e Dakotës Veriore, Minesotës dhe Uiskonsinit.

Samit janë një grup indigjen i Skandinavisë veriore që kanë jetuar për më shumë se 10 mijë vite në territoret veriore. Ata janë të njohur për rrobat shumëngjyrëshe dhe rritjen e drerëve, përcjell Telegrafi.

Norvegjia ka votuar disa herë kundër anëtarësimit në BE, por ka zbatuar më shumë direktiva të BE-së, se sa çdo shtet tjetër anëtar i bllokut.

Ndonjëherë, Forcave Policore Norvegjeze nuk u duhet të gjuajnë as edhe një herë të vetme gjatë gjithë vitit.

Gati 100 për qind të energjisë elektrike Norvegjia e prodhon përmes hidrocentraleve, më shumë se cilido shtet tjetër.

Aktorja Merilin Monro ishte me prejardhje norvegjeze, kurse Paris Hilton është stërmbesa e Konrad Hilton, i cili themeloi linjën e hoteleve Hilton, nga një fermë pranë aeroportit të Oslos edhe Lance Armstrong, çiklisti i famshëm është me origjinë norvegjeze.