Autoritetet pakistaneze kanë kërcënuar qytetarët se do t’i ndalojnë ata të përdorin celularët nëse nuk vaksinohen kundër koronavirusit.

Më parë, një takim i autoriteteve shëndetësore u mbajt në provincën Pakistaneze me popullsinë më të madhe të Punjab, kryesuar nga Ministri i Shëndetësisë Jasmin Rashid, në të cilin u konkludua se vaksinimi duhet të përshpejtohet.

Plani origjinal i shtetit ishte të vaksinoheshin 420,000 njerëz dhe të vaksinonin shumicën e 67 milion banorëve të Punjab deri në fund të vitit.

Por plani dështoi dhe qeveria arrin të vaksinojë vetëm 52,000 njerëz në ditë. Arsyeja për këtë mund të jetë në informacionin e dobët të pakistanezëve për rëndësinë e vaksinimit ose në shqetësimin për efektet anësore të mundshme të vaksinave.

Tani, qeveria ka shkuar një hap më tej dhe kërcënoi se do të konfiskojë celularët e të gjithë atyre që nuk vaksinohen, domethënë për të fikur shërbimet e tyre të telefonisë mobile. Shumica e pakistanezëve kanë qasje në internet kryesisht përmes celularëve sepse nuk zotërojnë laptopë ose kompjuterë, që do të thotë se shumë do të përfundojnë në një lloj izolimi të informacionit.

Kompanitë pakistaneze të telekomunikacionit po presin një urdhër nga agjencia rregullatore pakistaneze për të ndërprerë lidhjen me një numër të madh të kartave SIM, por ata njoftojnë se nuk do të bëjnë asgjë derisa të miratohet një ligj mbi një bazë kombëtare që do të përjashtojë shërbimet mobile për ata që nuk duan të vaksinohen.