Te Real Madridi atmosfera është bërë e rëndë dhe shumë e tensionuar, me një klimë të brendshme të mbushur me pakënaqësi, debate dhe presion të madh para ndeshjes së ardhshme të kampionatit.

Brenda klubit flitet për një situatë të ndërlikuar, ku rezultatet dhe performancat e fundit i kanë shtuar tensionet mes lojtarëve dhe ambientit teknik, shkruan portali italian “Tuttomercatoweb”, përcjell “Gazeta Express”.

Mediumi italian po ashtu e përmend edhe “hijen e Mourinhos”, në një moment kur krahasimet me periudha të kaluara dhe me figurën e trajnerit portugez vazhdojnë të qarkullojnë në opinionin sportiv spanjoll.

Pra, tensioni në skuadër është rritur deri në pikën ku ndeshja e së dielës ndaj Barcelonës shihet si shumë e rrezikshme për Real Madridin, me mundësinë e një rezultati të rëndë që do ta thellonte krizën aktuale.

Në këtë kontekst, klubi po përballet me presion të madh nga tifozët dhe mediat, ndërsa çdo rezultat negativ mund ta përshkallëzojë më tej situatën e brishtë brenda ekipit.

Rreziku është evident: t’i ndryshosh drejtuesit e ekipit pa e rregulluar fillimisht çështjen e problemeve brenda dhomës së zhveshjes, nuk zgjidh asgjë.