Shefi i Grupit Parlamentar të LDK-së, Avdullah Hoti, ka akuzuar Kadri Veselin se ka shkelur Rregulloren pse nuk lejoi të votohet për mocionin e opozitës.

“Ne kërkuam një mocion që kabineti qeveritar të nxirret menjëherë në votim, por kryetari i Kuvendit e shkeli rregulloren menjëherë sot, atëherë kur nga deputetët e PAN u refuzua kërkesa për votim”.

Hoti ka thënë se me kabinetin, siç thotë ai “katastrofal” që u ofrua sot në seancë, nuk është i nevojshëm debati.

“Me ekspozenë që u dha nga Haradinaj dhe me kabinetin katastofal që prezantoi, dëshirojmë të tregojmë qartë se votimi  kësaj qeveri varët nga Beogradi”.