Azemi: Çdo Qeveri i ka “masakruar” punëtorët e sektorit privat

Prishtinë | 01 Maj 2020 | 11:25 | Nga Kastriot Kokollari Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i Sindikatës së Pavarur të Sektorit Privat të Kosovës, Jusuf Azemi ka thënë se shteti i Kosovës ka dështuar t’u sigurojë punëtorëve pagën mesatare prej 250 euro, raporton Ekonomia Online.

Sipas tij, pozita e punëtorit në sektorin privat është e rëndë, teksa ka thënë se shumë prej tyre, pagën e kanë 130 euro.

Azemi në një konferencë me rastin e 1 Majit Ditës Ndërkombëtare të Punëtorëve, shtoi se çdo Qeveri i ka “masakruar” punëtorët e sektorit privat.

“Që nga paslufta asnjë udhëheq i shtetit nuk ka dal për të folur për raportet mes punëdhënësit dhe punëmarrësit. Pozita e punëtorit në sektorin privat është e rëndë”.

“Me të drejtë po e themi se çdo Qeveri i ka masakruar punëtorët, kur e themi këtë, e them sepse ligji i punës, është ligj vetëm në letër dhe assesi nuk po implementohet. Ka paga që punëtori paguhet 130 euro dhe kjo bie ndesh me ligjin e votuar në Kuvend”, tha Azemi para gazetarëve.

“Shumë Qeveri për përfitime të tyre, na premtuan se paga do të jetë 250 euro, megjithatë Qeveria e kaluar na dha një lajm të mirë se paga minimale nuk guxon të jetë me ulët se 250 euro, por kjo nuk po ndodh. Në mungesë të zbatimit të masave, kompani e punëtorë që i kanë qëruar hesapet mes vete”, tha ai.

Tutje tha se shumë qeveri të më hershme na premtuan ndryshime, por edhe qeveria e tanishme qenka e njëjtë.

“Shumë qeveri të më hershme na premtuan se do të jetë paga minimale 250 euro, por edhe kjo Qeveri e tanishme qenka po e njëjtë. Punëtoret tashmë kanë filluar me marr situatën vet në dorë kur punëtorët e një kompanie po diskriminohen. Ne apelojmë që sektorit privat tu kthehet një vëmendje që e meriton sepse punëtorët e këtij sektori janë pa mbështetje institucionale. Nga kjo situatë që jemi në muajin qershor dhe korrik do të kemi mijëra punë të humbura”, tha ai.

Azemi ka kërkuar nga Qeveria që t’i fusë të gjithë punëtorët në Pakon Emergjente.

Të ngjashme