Bashkimi Evropian ka ndërtuar një sistem barriere digjitale në kufirin Turqi-Greqi për të parandaluar migracionin e paligjshëm të emigrantëve në Evropë.

BE po teston sistemin e pengesave digjitale që ka krijuar muajt e fundit për të parandaluar kalimet e paligjshme nga kufiri 200 kilometra midis dy vendeve në kontinent, duke shpenzuar 3.7 miliardë dollarë, shkruan Anadolu Agency.

Me anë të pajisjes akustike me rreze të gjata të instaluar në automjetin e blinduar të policisë greke, tinguj shurdhues do të mund të dërgohen drejt kufirit turk. Muri prej çeliku që do të ndërtohet synon të parandalojë emigrantët të kalojnë lumin Meriç.

Kur zbulohet një lëvizje e dyshimtë duke përdorur analizën e inteligjencës artificiale, të dhënat e marra do të dërgohen në qendrën e kontrollit.

Me skanerin e pëllëmbës në sistem, modeli i venave të duarve të njerëzve do të mund të regjistrohet dhe të përdoret si një identifikues biometrik, duke zbuluar kështu ata që fshihen në rajonin kufitar.

Policia e Greqisë deklaroi se detajet e sistemit do të shpallen në fund të vitit.