Pas një ndikimi në muskuj, Valon Behrami gjatë kësaj jave ka ushtruar pak. Megjithatë, stafi i Përfaqësueses zvicerane është optimist: Lojtari më i mirë i ndeshjes kundër Brazilit duhet të jetë i gatshëm për t’u përballur të premten në Kaliningrad (ora 20) kundër serbëve.

Mesfushori 33-vjeçar shqiptar ka lindur në ish Jugosllavi dhe kishte pasaportën serbe derisa ishte 18-vjeç. Lufta e përfshiu vendin dhe Valoni i ri u strehua në Tessin, ku u bë një lojtar dhe njeri i admirueshëm, shkruan “Le Matin”, përcjell Albinfo.ch.

Vallë, a do të jetë kjo ndeshje e vështirë kundër Serbisë, një vend me të cilin Zvicra asnjëherë nuk është ballafaquar? Me sa duket jo.

“Ndeshja e parë e karrierës sime ndaj Shqipërisë ishte e ndërlikuar emocionalisht, nuk e fsheh. Serbia, për mua, është një kundërshtar normal”, ka shpjeguar Valoni. Vallë a do të mbizotërojë një ndjenjë e ndryshme gjatë kohës së intonimit të himneve, apo gjatë lojës në fushën e gjelbër? “Ata që thonë se futbolli është një luftë, duhet ta dinë se … futbolli është një performancë, asgjë tjetër. Asgjë nuk do të ndodhë. Ne jemi futbollistë dhe në të njëjtën kohë edhe shembuj për fëmijët. Çfarë imazhi do të jap nëse do të shkoj në terren të nxehtë duke thënë se unë duhet të jap gjithçka, që duhet të kem instinktin e vrasësit”?! Është e vërtetë se Valoni nuk ka nevojë për ta dëhmuar vetveten në maksimum, në një ndeshje kundër serbëve. Fundi-fundit, Neymari mund të dëshmojë, përcjell tutje albinfo.ch.

Gazetat në Kosovë, megjithatë, kanë ngritur presionin gjatë javëve të fundit, të cilat nuk e kanë anashkaluar Valon Behramin: “Po, kam lexuar disa. Ata shkruajnë, “Kosovarët tanë kundër serbëve”, dhe gjerë ta ngjashme. Pfff … luaj për Zvicrën, kjo është e gjitha”.

Pjekuria e Valonit, padyshim është shembullore duhet shpresuar se do të ndiqet në fjalimin  dhe veprimet e tij, nga të gjithë shokët e tij. Në vitet 2014 dhe 2015, gjatë kualifikimit për Kampionatin Evropian, midis serbëve dhe shqiptarëve ndodhi incident, veçanërisht duke përfshirë Taulant Xhakën. Pas ndeshjes së tij transparente dhe pasive kundër Brazilit, vëllai i tij Graniti duhet të mbetet i fokusuar në fushë dhe vetëm të mendojë për ngritjen e nivelit të lojës së tij kundër serbëve.