Bëni shumë para me pak konsumatorë

Prishtinë | 08 Dhj 2022 | 01:18 | Nga Ekonomia Online

Vetëm pse nuk keni audiencë masive nuk do të thotë që nuk mund të fitoni para.

Unë vë shumë kapela profesioniste, por njëra nga mënyrat e mia të preferuara për të punuar me klientët është t’i ndihmoj ata që të fitojnë para. Dhe, përderisa punoj me disa nga markat më të mëdha në botë, unë nxjerr shumë kënaqësi personale nga klientë më të vegjël, të cilët i kam ndihmuar të bëjnë milionat me baza të vogla.

Pra, si të keni sukses në këtë? Këtu janë disa nga sekretet e mia.

Bëni matematikën

Sa konsumatorë aktivë keni? Për çdo një mijë konsumatorë, për shembull, çdo 1000 dollarë vlerë e produkteve ose shërbimeve që u shisni në vit ju fitoni shumë para dhe çdo 1,000 dollarë që ju shisni atëherë fitoni një milion dollarë të ardhura në vit.

Tani, kjo mund të duket shumë, por 1,000 dollarë në vit është më pak se 100 dollarë në muaj ose 25 dollarë në javë, kështu që zgjidhni se sa shpesh ju nevojitet konsumatori juaj mesatar. Kjo ju ndihmon të ri-fokusoheni në strategjinë dhe taktikën e biznesit.

Mund të keni shërbime ose produkte me çmime më të larta ose një bazë konsumatorësh më të vogël, por bërja e matematikës të jep një pikë të mirë për të filluar.

Rregulloni ofertat tuaja

Sapo t’a dini se sa shumë dhe sa shpesh keni nevojë që konsumatorët e juaj të blejnë, sigurohuni që keni produkte ose shërbime të mjaftueshmë për konsumatorët e juaj në mënyrë që të jeni në gjendje të arrini ata numra të shënjestruar. Nëse nuk e bëni, ose nëse dëshironi të rrisni numrat tuaj, mendoni se çfarë produkte ose shërbime ndihmëse mund të lidhni me ato të tanishmet ose se a ka diçka që mund të shtoni në ofertat e juaja.

Pastaj, bëhuni kreativë(pjesa argëtuese). Krijoni oferta të veçanta dhe të limituara për konsumatorët e juaj. Mund të keni shërbime ose artikuj ekskluzivë, marrëveshje të veçanta ose produkte të cilat janë në dispozicion për një kohë të limituar ose nga lotaria.

Ose, mendoni për nxitjen e blerjeve për një sasi të caktuar. Kompania ime sapo dyfishoi iniciativën e një klienti duke ofruar një dhuratë të veçantë e cila ishte në dispozicion vetëm nese bliheshin të gjithë artikujt në një set, është një mënyrë e mirë për të bashkëpunuar me markat tjera ose ofruesit e shërbimeve të cilët kanë për shënjestër konsumatorë të ngjajshëm me produkte dhe shërbime të mira.

Gjithashtu, merrni parasysh teknikën ‘’upsells’, varësisht se a shisni online ose sy më sy. Taktika ‘’ a do të dëshironit patatet e skuqura me atë’’ e McDonald’s është bërë shumë e famshme.

Mbushni hapësirat me përmbajtje të mrekullueshme.

Njëra ndër arsyet që kompania ime ka pasur kaq shumë sukses me klientët tanë është që ne nuk u kërkojmë konsumatorëve para ose të blejnë, por ne u ofrojmë përmbajtje interesante. Kjo i bën konsumatorët më të angazhuar me kompaninë dhe produktet e saj, ata janë perceptues ndaj e-maileve dhe kontaktit në media sociale. Në këtë mënyrë, kur ofertat vijnë, ato nuk duken si virusë.

Varësisht nga lloji i biznesit, mund të ofroni gjithçka nga ngjarjet edukative offline ose online në pamjet prapa skenave, dhe në përmbajtje videosh duke shfaqur ekzekutivët e kompanisë ose dizajnerët e produktit madje edhe persona të famshëm. Çelësi është që të kujdeseni për përvojën e konsumatorëve dhe të mendoni se çfarë dëshirojnë të dinë ( më shumë se vetëm storia që ju e tregoni ose produkti të cilin dëshironi ta shisni).

Rikujtoni ata

Varësisht se a është një ri kujtues i automatizuar emaili, një thirrje, apo një mesazh, ndonjëherë të marrësh më shumë nga konsumatorët e tu është aq e lehtë sa të kujtoheni të pyesni sërish.

Nëse keni një ofertë për kohë të limituar, njoftoni ata, por nëse ata nuk kanë blerë, rikujtoni ata sërish për ofertën dhe për kohën e skadimit të saj.

Nëse keni një shërbim për pastrim shtëpish dhe konsumatorët e juaj do të mund të përdornin shërbimin tuaj një herë në muaj, por ata thërrasin çdo gjashtë muaj, thërrisni ata më herët për t’i bërë ata që të rezervojnë më herët.

Bëjeni të lehtë që të referoheni nga dikush.

Derisa mund të bëni miliona nga konsumatorët e tanishëm, ata gjithashtu mund të jenë burim i mirë i rritjes për të të sjellë konsumatorë të rinj. Për shkak se njerëzit kanë prirje që të lidhen në mënyrë personale dhe profesionale me të tjerët të cilët janë si ata, nëse të referojnë tek të tjerët mund të jetë një fitore e madhe për biznesin tuaj.

Derisa disa industri kanë rregulla për këtë, shumica do të jenë në gjendje të ndjekin shembullin e Uber, Dropbox, Eat Purely ( ku jam investitore), Erin Condren Design dhe të tjerë të cilët kanë ndërtuar bizneset e tyre duke u ofruar konsumatorëve të tyre nxitje për shpërndarjen e produkteve dhe shërbimeve të tyre.

Bëni referimet të lehta dhe të thjeshta për t’u ekzekutuar. Kërkojuni referime në mënyrë direkte në mënyrë që konsumatorët e juaj të tanishëm të të ndihmojnë të ndërtosh bazën e admiruesve.

Fjalë Kryesore:

Të ngjashme