Tash e një javë në gjithë botën ka rrëmbyer vëmendje të madhe fushata kundër racizmit, e cila erdhi pas vrasjes së afro-amerikanit, George Floyd.

Veprimi i oficerit të policisë në Mineeapolis, Derek Chauvin, ku shfaqet duke i vendosur gjurin në qafë 46-vjeçarit ka ngjallur protesta të dhunshme gjithandej.

Duke u vlerësuar si një veprim tejet racist, bëri që të ngritën në këmbë të gjithë përfshirë këtu edhe bashkëshorten e tij, e cila kërkoi divorc menjëherë pas këtij rasti.

Krahas yjeve në botë, reagime rreth kësaj ngjarje ka pasur edhe nga personazhe të njohura shqiptare duke ndarë me fansat një fotografi të zezë, në shenjë solidarizimi me komunitetin me ngjyrë në ditën “Blackout Tuesday” me shkrimin “Black Lives Matter” (“Jetët e njerëzve me ngjyrë kanë rëndësi”).

Ylli Limani, Dhurata Dora, Skivi, Ledri Vula, Arbenita Ismajli, Agnesa Vuthaj, Seven Saraqi, Ana Kabashi, Capital T, Era Istrefi, Blerim Destani, Vesa Luma, Dafina Zeqiri, Ardian Bujupi, Anxhelina Hadërgjonaj, janë disa nga emrat e njohur që kanë bërë të njëjtën gjë përmes rrjeteve të tyre sociale.

Lidhur me rastin, Chauvin ishte një nga katër oficerët që u pushuan nga puna për shkak të vdekjes së Floyd, teksa nuk është bërë ende e ditur nëse janë arrestuar edhe tre policët e tjerë.