Bordi i Drejtorëve i KRU “Gjakova” e kundështon vendimin e Qeverisë për shkarkim

Prishtinë | 31 Maj 2020 | 19:44 | Nga Ekonomia Online

Qeveria e Kosovës të shtunën më datë: 30.05.2020 në ora 01:00 pas mesnate me Vendimin Nr: 02/37 ka shkarkuar Bordin e Drejtorëve të KRU ”Gjakova” sh.a.

Arsyetimi  i  Vendimit mbi shkarkimin e Bordit të Drejtorëve, ashtu siç e ka vlerësuar autoriteti përfshin të vetmen shkelje  ndërtimi i objektit administrativ në Digë,  me të cilën pretendohet nga autoriteti se është ndërtuar jo komfor kërkesave të Ligjeve dhe procedurave në fuqi të ndërtimit. Justifikimet e autoritetit  në lidhje me shkarkimin e Bordit të KRU ”Gjakova“ sh.a., qëndrojnë se është lejuar dhe miratuar ndërtimi i  një objekti të ri, me  madhësi, pamje e destinim të ndryshëm nga objekti i dikurshëm i ngritur në vitet 80 -ta dhe i dëmtuar gjatë luftës . Është vlerësuar nga autoriteti se nuk ka pasur leje ndërtimi, rindërtimi apo renovimi , së është brenda zonave mbrojtëse, është hotel  etj.

Bordi i Drejtorëvë i KRU”Gjakova” sh.a. e kundërshton në tërësi  Vendimin e  autoritetit si të pa bazuar dhe plotësisht në kundërshtim me gjendjen faktike dhe juridike të ndërtimit të objëktit në fjalë . Kompania  në asnjë moment nuk ka shkelur procedurat e ndërtimit, por ka  kompletuar   dokumentacionin e nevojshëm për ndërtimin e objektit në fjalë.

Është mëse e vërtetë se Objekti i dhënë me qira është i ndërtuar në themelet ekzistuese të ish Objektit Administrativ   të vjetër i cili është  ndërtuar  që nga   fillimi i hidrosistemit.

Objekti disponon  lejen e ndërtimit të vitit 1983  të datës: 05.02.1983, të cilën Kompania e disponon në arkivin e saj nga koha kur i është dhënë nga autoritet komunale .

I pa kontestueshëm është fakti i  argumentuar me  prova materiale se objekti  i ka plotësuar të gjitha standardet për dhënien e Pëlqimit nga MMPH  për shfrytëzimin e tij me nr 1945-2-17 të datës  25.05.2017.

Gjithashtu pretendimet se është bërë tjetërsim prone nuk qëndron, është një shpifje tjetër sepse prona nuk është tjetërsuar, është dhënë në bazë të procedurave ligjore me qira në mënyrë që Kompania të krijoj të hyra në vlerë prej 30 mijë euro në vit.

Gjithashtu nuk është e vërtetë se Objekti në fjalë është hotel, i njejti është Objekt Administrativ  i kompanisë ndërsa kati përdhesë është i lëshuar me qira.

Për këtë qështjë është konstatuar edhe nga organi  kompetent Prokuroria e Shtetit dhe nuk është gjetur asnjë element i shkeljeve ligjore dhe procedurale.

Autoriteti  kompetent të vlerësojë të arriturat dhe sukseset  e Kompanisë , fare nuk  ka  vlerësuar  sukseset që janë arritur nën menaxhimin e këtij Bordi.

Përmës kësaj Komunikate vlenë të njoftohet opinioni i gjerë si dhe vetë autoriteti për të gjitha të arriturat si më poshtë:

Kompania gjatë mandatit të Bordit të Drejtorëve sipas raportit të Zyrës Rregullative për Ujë dhe Mbeturina është shpallur në vendin e parë për vite me rradhë.

Sukseset e Kompanisë argumentohen edhe në Raportet e Auditorit të Jashtëm për vite me rradhë 2016, 2017, 2018 ku Opinioni i Auditorit për pasqyrat financiare është i pastër, i pamodifikuar dmth pa gabime materiale.

Treguesit kryesorë të performancës  janë këto:

Shkalla e arkëtimit nga 71% që ka qenë në vitin 2011, në 98.5% në vitin 2019.

Humbjet e ujit nga 70% në 2011, janë zvogëluar në 42.7% në 2019.

Fitimi operativ, dallimi në mes arkëtimit dhe shpenzimeve opertaive   nga 77.449 euro që ka qenë në vitin 2011, vitin 2019 e kemi përmbyllur me 1.178.344  euro.

Investimet kapitale  në vitin 2011,  169.276 kurse në vitin 2019, 2.020.000.euro.

Për periudhën 2012-2019 në total Kompania ka investuar me mjete vetanake dhe donacionet 20.243.579 euro duke përfshirë Fazën e Dytë të përpunimit të ujit, Kanali Derivues i liqenit, renovimi i ndërteses së Stacionit të Filtrave , renovimi i Objektit Administrativ në Gjakovë, Objekti i Ri Adminstrativ në Rahovec, investimet në rrjetin e ujësjellësit , makineri, automjete, eskavatorë, IT, paisje për ekipet e mirëmbajtjes etj.

Numri i konsuamtorëve në vitin 2011 ka qenë 27.345 kurse në vitin 2019 ka arritur në 39.039 konsuamotorë, ndryshimi prej 11.754 ka të bëjë me zgjerimin e zonës së shërbimit si: Kralan, Bardhaniq, Gërgoc, fshatrat e Rekës së Mirë, Lubizhda e Hasit dhe në vitin 2020 janë inkuadruar edhe 32 fshatrat e Rekës së Keqe.

Nga të gjitha të cekurat më lartë Bordi i Drejtorëve  meriton që nga Autoriteti të vlerësohet me mirënjohje për sukseset e arritura të Kompanisë dhe jo shkarkim.

Në fund Bordi Drëjtorëve i KRU “Gjakova” sh.a- Gjakovë do ti drejtohet organeve kompetente të drejtësisë për shpifje dhe shkarkim të pabazë.

Të ngjashme