Ish-kryediplomati shqiptar, Ditmir Bushati, ka vlerësuar se akti i dorëheqjes së Ramush Haradinajt si kryeministër i Kosovës për t’u ballafaquar sërish me drejtësinë, është forca e shembullit të një shtetari për të cilin Kosova vjen gjithnjë e para.

“Jam i bindur që ky veprim do të lartësojë luftën e shenjtë për liri të Kosovës dhe kontributin e pamohueshëm të Ramush Haradinajt. Ramushi ka fituar luftën e përmes forcës së shembullit po dëshmon së është artizan i paqes”, ka thënë Bushati.

“Sot, Kosova ka nevojë për unitet e largpamësi për të tejkaluar sfidat e brendshme e për të fuqizuar më tej subjektivitetin juridiko ndërkombëtar që duan t’ia vënë në pikëpyetje”, ka thënë më tej Bushati.