Chelsea e ka pyetur Real Madrid nëse mesfushori kroat Mateo Kovaçiq është pjesë e lojtarëve që mund të largohen nga Santiago Bernabeu këtë verë.

Maurizio Sarri është i vendosur që t’i forcojë radhët në mesfushë para nisjes së edicionit të ri dhe Kovaçiq shihet si mundësi, nëse dështon blerja e Aaron Ramsey nga Arsenal.

Kovaçiq më herët ka treguar se është duke shqyrtuar largimin nga Madridi, pas dorëheqjes të Zinedine Zidane, ndërsa interesim për të ka shprehur edhe Manchester City.