Newcastle United ka arritur ta mbyllë edicionin në Ligën Premier me një fitore të madhe ndaj Chelseas 3-0

Ish-kampionëve të Anglisë iu nevojitej fitorja dhe shpresonin që Liverpool të mposhtej në Anfield për të shkuar në Ligën e Kampionëve.

Newcastle e nisi më mirë ndeshjen dhe arriti të shënonte golin e epërsisë pas 23 minutave lojë.

Ishte sulmuesi anglez, Dwight Gayle që arriti të realizonte në portën e Thibaut Courtouis për 1-0.

Newcastle kishte raste tjera shënimi në pjesën e parë me Shelvey dhe Diame por që nuk ishin të saktë.

Me epërsinë minimale të ‘Laraskave’ 1-0 përfunduan 45 minutat e para të kësaj sfide.

Olivier Giroud pati rast të mirë për ta barazuar rezultatin në pjesën e dytë por portieri vendas Dubravka bëri mrekulli duke shpëtuar gol të sigurt.

Newcastle u kundërpërgjigj me spanjollin Ayoze Perez që shënoi për 2-0 në minutën e 59-të.

Vendasit nuk u ndalen me dy gola dhe gjetën edhe të tretin pesë minuta më vonë.

Ishte përsëri sulmuesi spanjoll, Perez që realizoi në minutën e 64-të për 3-0.

Kësisoj Newcastle e përfundon stinorin në pozitën e 10-të në tabelë me 44 pikë të tubuara pas 38 ndeshjeve.

Ndërkohë Chelsea mbetet në pozitën e pestë në tabelë dhe do të luaj edicionin e ardhshëm në Ligën e Evropës.

https://youtu.be/bm3RGd0Ygpc