Këngëtarja e famshme Ciara beson se sjellja e fundit e ish të fejuarit të saj, reperit Future, në rrjetet sociale forcojnë edhe më shumë kërcënimet e këtij të fundit se do ta vrasë të fejuarin e tanishëm, Russell Wilson.

Ciara ka dorëzuar edhe më shumë dokumente në gjykatë në padinë të cilën ajo e ka ngritur kundër babait të fëmijës së saj, duke theksuar se ka frikë se reperi do t’ia vrasë të fejuarin e saj. Këngëtarja 30-vjeçare e ka cilësuar sjelljen e fundit të reperit si të frikshme dhe të papërgjegjshme, çka e ka shtyrë të ketë frikë për ragbistin e famshëm.

Dëshmia e saj e parë për këtë frikë lidhet me një postim në “Twitter”, të cilin reperi e kishte bërë vitin e kaluar, ku shihen dy emoji të ragbit të pasuar me tri emoji me armë. Ajo gjithashtu ka tërhequr vëmendjen edhe në vargjet e këngës së fundit të reperit “Juice”, ku ai kërcënon personin që bën seks me nënën e fëmijës së tij, duke e kërcënuar me vrasje.

Future, me të cilin Ciara ka qenë i fejuar mes vitit 2013 dhe 2014, ka mohuar se i ka postuar emojit në fjalë, duke thënë se ato janë nga një llogari e rreme në emër të tij.

“Do të doja që të gjithë të shohin përpara pas ndarjes siç e kam bërë unë. Kjo është dëshira ime”, ka shkruar ai në “Twitter” pas akuzave të fundit. Në shkurt të këtij viti, Ciara ka ngritur padi 15 milionë dollarë kundër tij.