Ministri i jashtëm serb Ivica Daçiq ka thënë për RTS se Serbia do të luftoj me të gjitha mjetet politike kundër vendimit për krijimin e ushtrisë së Kosovë, sepse “ky është vendim kundër stabilitetit në rajon”.
“Në Bruksel ngrihen vetëm çështjet të cilat iu përgjigjen atyre, derisa kur ne ngrehim ndonjë temë atëherë ata nuk pranojnë të bisedojnë për të”, ka thënë Daçiq.

Duke folur për vendimin gjyqësor për Haradinajn, Daçiq ka thënë se gjykata në Francë tani pret prova nga Serbia.

“Ai mund të përdor fjalë të ndryshme që të paraqes veten si viktimë politike, por ai është kriminel lufte. Gjykata franceze ka kërkuar prova prej autoriteteve serbe. Pra, këtu është fjala për atë që me mjete politike të lirohen kriminelët e luftës”, ka thënë Daçiq.

“BE dëshiron të legalizojë atë që krimet e luftës kundër serbëve janë të lejuara dhe të jo dënueshme”, përfundon ai.