Ministri i Jashtëm serb Ivica Daçiq tha me rastin e vendimit të Komitetit Ekzekutiv të Interpolit që të dërgojë propozimin për votim në Asamblenë e Përgjithshme të anëtarësimit të Kosovës , se këto janë çështje teknike, por që Prishtinës do t’i ndodhë e njëjta gjë si vitin e kaluar.

“Në thelb e njëjta gjë do të ndodhë përsëri, do të humbasë përsëri,” tha ai për Kuririn serb.

Më 26 qershor të këtij viti Komiteti Ekzekutiv i Interpolit me seli në Lion të Francës ka vendosur në favor të dërgimit të dosjes së Policisë së Kosovës për votim në Asamblenë e Përgjithshme të Interpolit e cila sivjet mbahet në Kili.