Koha e pandemisë coronavirus i ka kufizuar artistët tanë që të mbajnë koncerte në vende të ndryshme.

Kjo ka bërë që shumica prej tyre të mbajnë koncerte virtuale, të transmetuara drejtpërdrejt në ekranet televizive.

Këngëtarja e njohur, Dafina Zeqiri, është një nga yjet që ka vendosur t’i argëtojë fansat e saj përmes një performance në rrjetet sociale.

Lajmin e ka bërë të ditur vet këngëtarja, përmes rrjetit social Instagram, ku përmes ‘Europe House Kosovo’ ajo do të shfaqet me kitaristin Arlind Haxha për nder të Ditës së Evropës.

Performanca do të transmetohet ditën e sotme (e martë) rreth orës 19:00, në rrjetin social Facebook të ‘Europe House Kosovo’.