David Malpass emërohet president i Bankës Botërore

Nënsekretari i Thesarit të Shteteve të Bashkuara, David Malpass, është emëruar zyrtarisht si presidenti i 13-të i Bankës Botërore.

Në një komunikatë të lëshuar për media, Banka Botërore ka deklaruar se procesi i nominimit ka qenë i hapur dhe transparent, shkruan Dailysabah, transmeton Klan Kosova.

“Zgjedhja e Malpass nga bordi i drejtorëve të bankës ndoqi një proces të hapur dhe transparent, në të cilin qytetarët e të gjitha vendeve anëtare ishin të lejuar të kandidonin”.

Kujtojmë se të 13 presidentët në krye të kësaj banke kanë qenë burra nga Shtetet e Bashkuara të Amerikës.