Deputeti i pavarur dhe zyrtari i “Alternativës” ka reaguar pas një postimi të Kadri Veselit në Facebook, i cili ka tërthorazi ka akuzuar Isa Mustafën për zhvillimet në vend duke i thënë se vendi po ballafaqohet me mungesë të vendimmarrjes.

“Pasi që paska filluar debati për vendimmarrje apo mungesë të saj, mirë është të përkujtohet që promotorët e fillimit të ri qe 10 vjet direkt – e 18 në realitet – me vendimmarrjen e tyre na e kanë sjellë këtë varfëri, këtë korrupsion, këtë ekonomi, këtë shëndetësi, këtë arsim, këtë izolim. Fillimi i ri’ i tyre në realitet është vazhdimësi e kësaj varfërie, korrupsionit, kësaj shëndetësie, këtij arsimi dhe izolimi, dhe më e keqja – vazhdimit të ikjes të qytetarëve dhe sidomos të rinjve nga Kosova”, ka shkruar Deda në Facebook.