Ambasadori amerikan, Greg Delawie e ka mirëpritur vendimin e inspektoratit të Ministrisë së Drejtësisë për suspendimin e zyrtarëve të Qendrës së Paraburgimit në Prizren, ku ditë më parë vdiq aktivisti i Vetëvendosjes, Astrit Dehari.

Delawie përmes një postimi në Twitter, ka shkruar se mirëpret veprimet e ndërmarra për vetëvrasjen në burg.

“E mirëpres vendimin e inspektoratit të Ministrisë së Drejtësisë dhe veprimet që janë ndërmarrë për vetëvrasjen në burg. Transparenca dhe përgjegjësia janë vitale”, ka shkruar ambasadori.

We welcome the MOJ’s inspection and disciplinary actions regarding the prison suicide. Transparency and accountability are vital

— Amb. Greg Delawie (@AmbDelawie) November 22, 2016