Me rastin e Ditës Ndërkombëtare të Gruas, Ambasada e Francës në Kosovë dhe UN Women organizojnë një konferencë me temën “Dhuna në familje dhe në baza gjinore: Thyerja e Heshtjes”.

Kjo konferencë është pjesë e përgatitjes për Forumin Gjenerata Barazi, një mbledhje në nivel botëror dhe shumë palëshe për barazinë gjinore të organizuar nga Kombet e Bashkuara në mes të muajit maj dhe korrik 2020.

Konferenca do të hapet nga nga Ambasadorja e Francës në Kosovë, Marie-Christine Butel, Koordinatorja e Kombeve të Bashkuara në Kosovë, Ulrika Richardson dhe Ministrja e Drejtësisë së Kosovës, Albulena Haxhiu.

Shkrimtarja franceze Julie Dénès do të ndajë përvojën e saj si ish-viktimë e dhunës në familje dhe luftës së saj për të drejtat e grave.

Disa përfaqësues të organizatave të shoqërisë civile do të ndajnë përvojat dhe reflektimet e tyre mbi dhunën ndaj grave.

Konferenca do të mbahet në gjuhën frënge dhe shqipe në sallën e Bibliotekës kombëtare të Kosovës.