Komuna e Drenasit, përkatësisht Drejtoria Komunale për Arsim, të enjten kanë ndarë mirënjohje dhe dhurata për tri vendet e para të nxënësve që kanë fituar në kuizin e diturisë e mbajtur në gjitha institucionet arsimore të Komunës së Drenasit të nivelit të arsimit të mesëm të ulët.

Me këtë rast, Drejtori i DKA-së, Tafil Halilaj, pas ndarjes së mirënjohjeve për shkolla dhe nxënës, ka uruar gjithë personelin e shkollave për suksesin e arritur në garat tashmë tradicionale që organizon Drejtoria Komunale e Arsimit.

Në kuizin e diturisë, vendin e tretë e ka ndarë dy shkolla të cilët kanë rezultuar me pikë të barabarta:

SHFMU “Xheladin Gashi – Plaku” në Komoran me këta nxënës – Aulona Gjoshi, Vlora Bogaj dhe Erleta Morina si dhe SHFMU “Dëshmorët e Fortesës” në Vërboc me këta nxënës – Leonitë Gllareva, Miradije Gashi dhe Aulon Prokshi.

Në venidn e dyte e ka SHFMU “Zenel Hajdini” në Tërstenik I me këta nxënës – Endrit Gjoka, Elion Bylykbashi dhe Fahrije Gjoka.

Në vendin e parë SHFMU “Ali Gashi” në Drenasin III me këta nxënës – Elion Shala, Arbenita Zejnullahu dhe Leon Leku.