Dua Lipa “ndez” me shqiponjën dykrenare koncertin në sheshin “Skenderbej” në Tiranë

Prishtinë | 29 Nën 2022 | 00:51 | Nga Ekonomia Online

Këngëtarja Dua Lipa ka realizuar me dy duart shqiponjën dy krenare dhe më pas ka vënë mbi supe flamurin kuq e zi gjatë koncertit madhështor për 110-vjetorin e Pavarësisë së Shqipërisë, mbajtur sonte në sheshin “Skënderbej” në Tiranë.

Ajo është e ftuar speciale për festat e nëntorit, ndërsa po dhuron plot emocion dhe adrenalinë me këngët e saj shesh, të cilat kanë korrur një sukses mbarëbotëror.

Këngëtarja me famë botërore, Dua Lipa, ndodhet prej disa ditësh në Shqipëri, ndërsa një ditë më parë ajo mori nënshtetësinë shqiptare nga presidenti i vendit, Bajram Begaj.

Ka qenë fillimisht kryetari i bashkisë Tiranë, Erion Veliaj, i cili ka ndarë pamjet nga koncerti madhështor i Duas. Ajo gjithashtu dha një mesazh shumë të rëndësishëm gjithë një konference për shtyp para koncertit.

Ylli ndërkombëtar tha se duhet të ndryshohet stigma ndaj shqiptarëve, lidhur me përcaktimet raciste nga sekretarja e Brendshme britanike, Suella Braverman, ndërsa vuri theksin edhe tek rëndësia e liberalizimit të vizave të Kosovës.

Veç pjesëmarrjes në një ditë të rëndësishme për Shqipërinë, 27-vjeçarja me këtë koncert mbyll edhe turneun në kuadër të albumit të saj “Future Nostalgia”.

Të ngjashme