Ministrja e MKRS-së, Vlora Dumoshi ka vazhduar vizitën në Prizren ku ka inspektuar punimet në ndërtimin e Pishinës Olimpike, e para e këtij lloji në Kosovës, raporton Ekonomia Online.

Dumoshi tha se këtë vit kanë paraparë ndarjen e 500 mijë eurove në vazhdimin e punimeve. “Projekte të tilla janë të rëndësishme jo vetëm për komunat po edhe për shtetin pasi kjo pishinë do të nevojitet edhe për garat ndërkombëtare”, tha Dumoshi.

Ndërsa kryetari i Komunës së Prizrenit, Mytaher Haskuka tha se do të shohin mundësinë që edhe komuna të ndaj mjete për këtë projekt në mënyrë që të përfundojë edhe para kohës se paraparë.