Duhanpirësit e lehtë dëmtojnë mushkëritë e tyre po aq sa ata të varur që kalojnë dy pako cigaresh çdo ditë, ka gjetur një studim.

Mjekët që qëndruan pas studimit në Universitetin Columbia tani thonë se ndezja e disa herë në ditë e cigares, është ‘shumë më e rrezikshme nga sa mendojnë shumë njerëz’.

Ata testuan funksionin e mushkërive të 25,000 vullnetarëve, një përzierje e duhanpirësve dhe ish-duhanpirësve, si dhe të rriturve që kurrë nuk kishin pirë cigare.

Rezultatet treguan se funksioni i mushkërive të duhanpirësve të rëndë – të përkufizuar si pirja e duhanit 30 në ditë – u zvogëlua me një normë prej 11.24ml në vit më shumë sesa jo duhanpirësit.

Në krahasim, shkalla e rënies ishte rreth 7.65ml në vit midis duhanpirësve më të lehtë, të cilët kishin më pak se pesë cigare në ditë.