E ardhmja europiane e Serbisë varet nga aftësia e saj për t’i dhënë fund krizës me Kosovën, transmeton Koha.net raportimin e medieve serbe.

Kryetari i Partisë Liberal-Demokratike të Serbisë, Çedomir Jovanoviq duke folur për arsyet e vonesës së formimit të qeverisë së këtij vendi, tha se e ardhmja e Serbisë varet nga aftësia e saj për të normalizuar marrëdhëniet me Bosnjë e Hercegovinën e Kroacinë, aftësia për t’i dhënë fund krizës me Kosovën, nga mënjanimi i pengesave në rrugën për Bashkimin Europian, heqja dorë nga konfliktet politike dhe që të transformohet thellësisht përmes procesit të aderimit në BE, duke ndryshuar secilin segment të jetës publike, që nga gjyqësori deri te mediet.