E veja e Kobe Bryant, Vanessa Bryant, është shpërblyer me 16 milionë dollarë dëmshpërblim, për fotot e publikuara të rrëzimit të helikopterit, ku i vdekur mbeti ylli i basketbollit amerikan dhe vajza e tij.

Bryant, 40 vjeçare, tha se kishte sulme paniku pasi mësoi se ishin shpërndarë imazhet e marra nga sherifi i kontesë së Los Anxhelosit dhe zjarrfikësit.

Një juri federale tha se qarku duhet të paguajë zonjën Bryant për shqetësimin emocional.

Bashkë-paditësi Christopher Chester, i cili humbi gruan dhe vajzën e tij në aksident, do të paguhet 15 milionë dollarë.

Bashkëshorti i zonjës Bryant, Kobe Bryant, 41 vjeç, vajza Gianna, 13 dhe gjashtë miq të familjes vdiqën kur helikopteri i tyre u rrëzua në Kaliforni në janar të vitit 2020.

Nëntorin e kaluar, qarku ra dakord të paguante 2.5 milionë dollarë për shqetësimin emocional të shkaktuar dy familjeve që humbën të afërmit në aksident – por kjo u refuzua nga Vanessa Bryant.

Duke qarë në qëndrimin e dëshmitares javën e kaluar, Vanessa kujtoi se ishte në shtëpi me fëmijët e saj të tjerë kur pa imazhet, raporton BBC.

“Unë dola nga shtëpia dhe vrapova në anën e shtëpisë në mënyrë që vajzat të mos më shihnin. Doja të vrapoja… poshtë bllokut dhe thjesht të bërtas”, tha ajo.

“Nuk dua t’i shoh kurrë këto fotografi. Dua të kujtoj burrin dhe vajzën time ashtu siç kanë qenë”.

Bryant, pesë herë kampion i NBA-së, luajti për LA Lakers gjatë gjithë karrierës së tij dhe konsiderohet si një nga lojtarët më të mëdhenj në historinë e lojës.