Sulmuesi anësor i Lille, Edon Zhegrova, ka shpërthyer në ndeshjen e Kupës së Francës në përballje me Golden Lion, duke shënuar tri gola dhe duke asistuar dy herë.

Zhegrova fillimisht asistoi te dy golat e parë për Yusuf Yazici dhe Jonathan David.

Pas kësaj ishte radha e golave ku brenda nëntë minutave ai kompletoi het-trikun, në minutat 33’, 41’ dhe 42’.

Për këtë super paraqitje, Edon Zhegrova u vlerësua nga SofaScore me notën maksimale 10.

Ai në këtë ndeshje kishte edhe pesë pasime kyçe dhe pesë gjuajtje në kuadrat.

Edhe pse kundër një ekipi amator, Zhegrova kishte një paraqitje të jashtëzakonshme.