Kryetari i Odës Ekonomike të Kosovës Berat Rukiqi,në një shkrim në Facebook ka kërkuar që të krijohrt korridorre të lira për qarkullim të mallrave dhë punëtorve në zonat e karantinuara.

Postimi i plotë:

Të krijohen korridore të lira për qarkullim të mallrave dhe të punëtorëve

Disa nga anomalitë dhe pengesat momentale në qarkullimin e mallrave dhe punëtorëve:

– Malli i prodhuar në Gjilan, nuk mund të transportohet në Pejë, për shkak se mallrat nuk mund të kalojnë tranzit në Ferizaj, pasi që Ferizaj është ne karantinë;

– Kompania nga Ferizaj nuk mund të nis eksportin drejt Gjermanisë, pasi që kamionët nuk lejohen të dalin nga Ferizaj;

– Rrjetet e marketeve që janë në Prishtinë, furnizimët i bëjnë nga depot që kryesisht janë në hyrje të Prishtinës, por terrritorialisht janë në Komunat e Lipjanit dhe Graçanices, prandaj e kanë të pamundshme të fusin mallra në Prishtinë, pasi që Prishtina është në karantinë;

– Një fabrikë që është në hyrje të Prishtinës, por është pjesë e territorit të Komunës të Lipjanit, nuk e ka filluar prodhimin fare, pasi që inxhinierin kryesor e ka nga Prishtina dhe i njëjti nuk është lejuar të dal nga Prishtina, pasi që Prishtina është në karantinë.

I lusim institucionet e vendit, që të sjellin vendim të ri, jo më larg së sot pasditë. BE dhë CEFTA kan krijuar korridorë të lira për qarkullim të mallrave. Të njejtat duhet të krijohen në Kosovë.