Ekspertët shëndetësorë po nxisin dyshime se koronavirusi mund të ketë lidhje me diabetin. Një pjesë e madhe e ekspertëve janë të bindur se COVID-19 mund ta shkaktojë diabetin, madje edhe te fëmijët.

Tashmë është e dokumentuar që njerëzit e prekur me diabet apo sëmundje të tjera të rënda, kanë gjasa të mëdha të preken nga koronavirusi, ndërsa tash zyrtarët shëndetësorë thonë se lidhja mes diabetit dhe koronavirusit, është e mundshme.

“COVID-19 mund të shkaktojë diabetin”, ka thënë doktori Francesco Rubino, një studiues i diabetit dhe udhëheqës i kirurgjisë metabolike në një kolegj të Londrës.

Ai është duke udhëhequr një ekip ndërkombëtar që po grumbullon raste pacientësh globalisht për të zbuluar një nga misteret më të mëdha të pandemisë. Fillimisht, Rubino tha se më shumë se 300 mjekë kanë aplikuar për të ndarë rastet për rishikim, një numër që ai pret të rritet ndërsa infeksionet po shpërthejnë përsëri.

“Këto raste po vijnë nga çdo cep i botës dhe çdo kontinent,” tha Rubino për Reuters. Përveç regjistrit global, Instituti Kombëtar i Shëndetit i SH.B.A.-së po financon kërkimin se si koronavirusi mund të shkaktojë sheqerna të larta gjaku dhe diabet.

Në këto situata, simptomat mund të përshkallëzohen shpejt dhe të bëhen kërcënuese për jetën. Këto raste mund të kërkojnë për të dalur në sipërfaqe, pas ekspozimit ndaj COVID-19, kështu që shtrirja e plotë e problemit dhe degëzimet afatgjata mund të mos dihen deri në vitin e ardhshëm.

Sipas zyrtarëve mjekësorë, nevojiten hulumtime më intensive për të provuar përfundimisht, përtej dyshimeve të para që COVID-19 po shkakton diabet në një shkallë të gjerë.

“Tani kemi më shumë pyetje sesa përgjigje”, ka thënë Dr. Robert Eckel, president i mjekësisë dhe shkencës në Shoqatën Amerikane të Diabetit. “Ne mund të kemi të bëjmë me një formë krejtësisht të re të diabetit.”

Diabeti i tipit 1 ndodh kur sistemi imunitar i trupit shkatërron gabimisht qelizat prodhuese të insulinës në pankreas, duke parandaluar rregullimin e niveleve të sheqerit në gjak. Rreth 1.6 milion amerikanë kanë sëmundjen. Diabeti tip 2 është më i përhapur, duke prekur rreth 30 milion amerikanë. Ata pacientë ende prodhojnë insulinë, por me kalimin e kohës qelizat e tyre bëhen rezistente ndaj insulinës, duke lejuar që sheqeri në gjak të rritet.

Rastet e diabetit Tip 1 janë shoqëruar më parë me infeksione të tjera virale, përfshirë gripin dhe koronavirusët e mëparshëm.