Duket se të dy prindërit e moderatores së njohur shqiptare, Elita Rudi, kanë festuar ditëlindjen ditën e djeshme (e diel).

Kjo në bazë të postimeve që ka bërë prezantuesja përmes rrjeteve sociale, me ç’rast nuk mungoi edhe një dedikim emocional për më të shtrenjtit e saj.

Artistja, e cila numëron mijëra ndjekës në Instagram, publikoi po ashtu edhe disa fotografi nga kremta e ditëlindjes së tyre.

“Babi dhe nënë. Ju ma mbushni shpirtin me lumturi, me përkujdesjen tuaj, dashurinë tuaj dhe me interesimin kundrejt gjithçkaje që lidhet me mua. Tani e kuptoj që një jetë është pak për të iu kthyer sakrificat që keni bërë për mua, Natyrën dhe Denin. Jam më e lumtura dhe më me fat që Zoti më zgjodhi të kem prindërit të mrekullueshëm si ju”.

“Urime 60 dhe 50 festofshit gjithmonë me shëndet sepse dashuria nuk iu ka munguar kurrë dhe nuk do të iu mungojë asnjëherë sepse ne do ju përcjellim gjithmonë duke iu mbytur me puthjet e përqafimet tona. Ju dua shumë më të shtrenjtit e mi. Nga e vogla Lita”, kanë qenë fjalët e Rudit kundrejt prindërve.