Eliza Hoxha me paraqitje të veçantë në Festivalin e Këngës në RTSH

Prishtinë | 22 Dhj 2018 | 16:39 | Nga Ekonomia Online

Këngëtarja e mirënjohur, Eliza Hoxha, pas shumë kohësh i është rikthyer konkurrimit në Festivalin e Këngës në Radio Televizionin Shqiptar.

“Peng” titullohet kënga e saj, e cila është një baladë që kësaj here e ka sjellë Elizën si kantautore, ngase muzikën dhe tekstin i ka realizuar vet.

Për orkestrimin e saj është kujdesur kompozitori i njohur nga Shqipëria, Adi Hila.

Eliza është prezantuar në natën e parë të festivalit, ku ka interpretuar live këngën e saj para publikut në Pallatin e Kongreseve.

Veshur me shumë klas në një kostum blu të punuar nga stilistja Flutura Dedinja, Eliza dukej magjike me paraqitjen e saj.

Performanca e saj u cilësua mjaft e veçantë dhe potenciale, duke lënë mbresa te publiku me interpetimin e saj korrekt.

Për gjithë këtë emocion, këngëtarja shqiptare u shpreh me një dedikim në rrjetin social Instagram.

“Nata 1, nuk di me përshkru emocionin. 100 herë falënderuese për Adi Hila për orkestrimin e këngës, Flutura Dedinja për veshjen fantastike, miq e kolegë, publik që nuk më keni harruar, u jam shumë mirënjohëse! Familjes sime dhe juve”, ka shkruar artistja në Instagram.

Përndryshe, ajo është kualifikuar për në finalen e edicionit të 57-të të Festivalit të Këngës në RTSH dhe pritet të ngjitet sërish në skenë natën e së shtunës.

Fjalë Kryesore:

Të ngjashme