Erdogani arrin në zonën e goditur nga tërmeti

Prishtinë | 25 Jan 2020 | 13:56 | Nga Ekonomia Online

Presidenti i Turqisë, Rexhep Erdogan, arriti të shtunën në provincën lindore, Elazig, e cila u godit rëndë nga një tërmet prej 6.8 shkallësh të Rihterit, me ç’rast vdiqën 22 persona.

Kreu i shtetit turk e anuloi pjesëmarrjen në një konventë ndërkombëtare për ekonominë, e cila po mbahet në Stamboll.

Tërmeti prej 6.8 shkallësh u regjistrua rreth orës 8 e 55 minuta të mbrëmjes së të premtes sipas kohës lokale. Dridhjet ishin aq të fuqishme, saqë u ndien edhe në Siri, Iran dhe Liban.

Numri i viktimave deri më tash ka shkuar në 22, tha ministri i brendshëm, Suleyman Soylu.

Ekipet e shpëtimit arritën t’i shpëtojnë 39 persona nga rrënojat e shtëpive dhe ndërtesave të shembura, shkruan “Anadolu”, transmeton Gazeta Express.

Fjalë Kryesore:

Të ngjashme