Komuna e Ferizajt gjatë ditëve të fundit ka nisur një aksion për mbrojtjen e ambientit dhe një varg aksionesh të tjerash me qëllim të përmirësimit të gjendjes në terren, shkruan sot “Koha Ditore”.

Në mesin e aktiviteteve inspektorati ka nisur të shqiptojë gjoba me nga 100 euro edhe për ndotësit e rrugëve, të cilat më së shumti po shkaktohen nga ndërtuesit e objekteve banesore me automjete transportuese dhe nga fermerët. Ridvan Berisha, koordinator i Inspektoratit të Komunës së Ferizajt, ka njoftuar se kjo masë është ndërmarrë pas një analize që i është bërë fenomenit të ndotjes së rrugëve.

Sipas tij, gjatë së premtes kanë shqiptuar dy gjoba ndaj ndërtuesve të banesave kolektive, të cilët kanë ndotur rrugët publike të qytetit.