Shqipe Selimi, bashkëshortja e Rexhep Selimit, i cili ndodhet në Hagë si i akuzuar për krime lufte, tha se kjo Gjykatë po i mban ish-krerët e UÇK-së padrejtësisht në burg.

Ajo ka rrëfyer për ditët që i kalon larg bashkëshortit dhe bisedat e takimet mes tyre.

“Ka dy vit që festa e Pavarësisë na gjen të ndarë. Gjykata në Hagë padrejtësisht po mban brenda në burg vetëm shqiptarët dhe serbët rrinë të lirë. Urojmë që fundi i kësaj gjykimi të jetë në favor të shqiptarëve. Komunikimin me Rexhën e kemi të përditshëm. Kemi vizita periodike mujore. Takohemi njëherë në muaj. Kemi komunikim dhe me video. Sipas Rexhës që më ka treguar, secili e kanë dhomën e vet, por kanë dhe një sallon të përbashkët”- tha ajo në Euronews Albania.