Ftoi, një frut që forcon imunitetin gjatë dimrit

Prishtinë | 28 Jan 2023 | 23:50 | Nga Ekonomia Online

Ftoi është një pemë frutore e viseve të ngrohta, me gjethe vezake e me push në anën e poshtme, me lule të bardha, që bën kokrra të verdha, të mëdha, të mbuluara me pak push e me erë të këndshme. Kokrrat e kësaj peme hahen të freskët ose përdoren për të bërë reçel. Ndërsa farat e tij përdoren gjerësisht në mjekësi për të prodhuar ilaçe.

Njerëzit e përdorin ftoin si frut organik ose si pluhur, ekstrakt apo çaj për problemet me traktin digjestiv, përfshirë dhimbjet  e stomakut, inflamacionin gastrointestinal, si dhe diarrenë.

Ftoi përdoret gjithashtu edhe për ftohjen ose gripin.

Disa njerëz e aplikojnë direkt frutin e ftoit si kompresë për plagët, ënjtjen dhe dhimbjet  e kyçeve, apo prerjet  e lehta të gishtërinjve.

Tek ushqimet, ftoi përdoret për të përgatitur reçel, marmelatë, komposto, gliko dhe puding. Përdoret gjithashtu për të prodhuar lëngje të ndryshme dhe verë.

Megjithatë, vlerat e vërteta të ftoit mund t’i merrni duke e konsumuar atë si frut organik bashkë me lëkurën, duke qenë se është i pasur me lëndë të shumta ushqyese, si vitamina, minerale, përbërës fenolikë, antioksidues dhe fibra dietike.

Përdorimet

  • Problemet me tretjen
  • Diarrenë
  • Kollën
  • Inflamacionin në stomak
  • Plagët në lëkurë
  • Gjendje të tjera

Disa hulumtues shkencorë mendojnë se kur është përmendur “molla” në historinë e lashtë, në fakt e kanë pasur për ftoin, që kanë shumë ngjashmëri mes tyre.

Disa nga përfitimet shëndetësore të ftoit janë përmirësimi i sistemit tretës, ulja  e kolesterolit, forcimi i sistemit imunitar, parandalimi i sëmundjeve gastrointestinale, lehtësimi i inflamacionit, ulja e tensionit të gjakut, parandalimi i alergjive të ndryshme, përmirësimi i qarkullimit të gjakut.

Ftoi është një burim i pasur me vitaminë C, zink, kalium, hekur dhe fibra dietike. Ai gjithashtu përmban elementë organikë dhe ushqimorë që ia shumëfishojnë vlerat shëndetësore.

Ndihmon në rënien në peshë

Një mënyrë e mirë për të përshpejtuar metabolizmin dhe rënë në peshë është të përmirësoni tretjen. Ftoi është i pasur në fibra dietike, lëndë ushqyese këto që ndihmojnë sistemin tretës. Do të keni më shumë energji dhe do të humbisni më shumë peshë duke përmirësuar shëndetin digjestiv.

Ftoi gjithashtu ka pak kalori, kripë dhe yndyra.
Parandalon sëmundjet gastrointestinale

Përveç se ndihmon në procesin e tretjes së ushqimeve, ku e facilitojnë edhe fibrat dietike, mund të ndihmojë gjithashtu për të parandaluar një sërë gjendjesh gastrointestinale, si sëmundja e zorrës së irrituar ose divertikulitin.

Kujdesi ndaj lëkurës

Nivelet e larta të antioksiduesve dhe vitaminave tek ftoi janë shumë të mira për të mbajtur të shëndetshme dhe të re lëkurën. Antioksiduesit parandalojnë dëmtimin nga radikalet e lira në lëkurë, duke parandaluar kështu shfaqjen e parakohshme të rrudhave, të njollave dhe mbrojtur lëkurën kundër rrezeve ultraviolet

Rregullon tensionin e gjakut

Kaliumi është një nga mineralet më të rëndësishëm në trup pasi mban nën kontroll tensionin e gjakut dhe ndihmon për të transportuar lëngjet në qelizat e trupit. Sa i përket tensionit të gjakut, kaliumi ndihmon në relaksimin e enëve të gjakut dhe arterieve, duke parandaluar kështu sforcimin e sistemit kardiovaskular.

Kështu mund të ulet rreziku për zhvillimin  sëmundjeve të tilla si arteroskleroza, sëmundja koronare e zemrës, sulmi në zemër dhe goditjet në tru.

Forcon sistemin imunitar

Përveç antioksiduesve, ftoi është i pasur edhe në vitamina, si ajo A dhe E, të cilat forcojnë sistemin imunitar në disa mënyra. Për shembull, vitamina C stimulon sistemin imunitar duke rritur furnizimin me qeliza të bardha të gjakut, që janë të parat për mbrojtjen kundër viruseve, baktereve dhe patogjeneve në trup.

Përmirëson qarkullimin e gjakut dhe parandalon aneminë

Përmbajtja e lartë në minerale, si hekuri dhe zinku, ndihmon në prodhimin e qelizave të kuqe të gjakut dhe qarkullimin e gjakut në të gjithë trupin. Kështu parandalohen sëmundje të tilla si anemia për shkak të mungesës së hekurit.

Fjalë Kryesore:

Të ngjashme