Është gjetur i vdekur personi i cili ishte raportuar si i zhdukur që nga data 7 qershor të këtij viti.

Policia njofton se dje rreth orës 17:30 ka pranuar një informacion nga një qytetar, se në malet e fshatit Begracë të Kaçanikut , saktësisht tek vendi i quajtur ’’ Lagjja e Qorupëve’’, ka hasur në një trup njeriu i pajetë, i dekompozuar.

Nga hetimet e para, dyshohet të jetë trupi i pajetë i personit të zhdukur M.I, i moshës 43 vjeçar, i cili ishte në kërkim që nga data 07.06.2021.

“Stacioni Policor në Kaçanik nga Drejtoria Rajonale e Policisë në Ferizaj, dje rreth orës 17:30 ka pranuar një informacion nga një qytetar, se në malet e fshatit Begracë të Kaçanikut , saktësisht tek vendi i quajtur ’’ Lagjja e Qorupëve’’, ka hasur një trup njeriu i pajetë, i dekompozuar.

Policia e Kacanikut dhe më pas hetuesit nga Sektori Rajonal i Hetimeve nga Drejtoria Rajonale e Policisë në Ferizaj , menjëhërë kanë dalur në vendin ku është gjetur trupi i pajetë i dekompozuar dhe ka nisur hetimet .

Nga hetimet e para, dyshohet të jetë trupi i pajetë i personit të zhdukur M.I (M/K) i moshës 43 vjeçar, i cili ishte në kërkim që nga data 07.06.2021.

Me vendim të Prokurorit të Prokurorisë Themelore në Ferizaj, rasti është cilësuar ‘’Hetim mbi vdekjen’’ dhe trupi i pajetë dërgohet në Institutin e Mjekësisë Ligjore në Prishtinë për obduksion.

Policia, në koordimin edhe me Prokurorinë Themelore në Ferizaj, po vazhdon hetimet, duke grumbulluar dëshmi materiale dhe deklarative në lidhje me këtë rast dhe për informacione tjera deri në identifikimin e plotë të trupit të pajetë, do të njoftoheni me kohë”, thuhet në komunikatën e policisë.