Ministrja e Punëve të Jashtme dhe Diasporës, Meliza Haradinaj-Stublla, është takuar me homologun e saj gjerman, Heiko Maas në Berlin.

Haradinaj ka deklaruar se Gjermania mbetet shtet aleat për Kosovën dhe popullin e saj, ndërsa ka shtuar se e ka falënderuar edhe për ndihmën e Qeverisë gjermanë përgjatë pandemisë.

Në këtë takim, përfaqësuesi gjerman ka bërë me dije se Gjermania është e gatshme të vazhdojë mbështetjen për arritjen e marrëveshjes mes Kosovës dhe Serbisë.