Drejtori i të ashtuquajturës Zyre Serbe për Kosovën, Marko Gjuriq ka deklaruar se armatosja e Prishtinës nuk është diçka që mund të shikohet me dashamirësi dhe simpati.

“Tani kemi nevojë për një de-përshkallëzim, jo një ushtri të re në Kosovë, dhe më shumë armë në fuçinë e barut, dhe madje edhe më pak ndezje që mund të shtyjnë të gjithë rajonin në një humnerë”, tha ai, transmeton Klan Kosova.

24 automjete ushtarake “Humvee” kanë ardhur nga Shtetet e Bashkuara në Kosovë.

Këto mjete pritet të jenë në dispozicion të Forcave të Armatosura të Kosovës, të cilat pritet të themelohen me miratimin e tri ligjeve në Kuvendin e Kosovës.

Seanca për themelimin e Ushtrisë së Kosovës pritet të mbahet më 14 dhjetor.