Për nderë të festës së “7 marsit”, ditës së mësuesit, kryesia e degës së Gruas Demokratike në Prizren, në kuadër të aktiviteteve të saja, vizitoi disa nga veteranet e arsimit në komunën e Prizrenit.
Kjo vizitë e organizuar nga ana e GDK-së, bëhet në shenjë mirënjohje, për punën e tyre ndër vite dhe kontributin e dhënë në fushën e edukimit dhe arsimit.

“Ne si Grua Demokratike, dhe si shoqëri , duhet të jemi falenderues dhe mirënjohës, përjetë për punën dhe angazhimin e palodhshëm, te cilat kanë shërbyer me saktificë dhe mund, në kohët më të vështira, me të cilat është përballur vendi ynë, atëherë edhe kur është mohuar gjuha shqipe.
Mirëpo fal vullnetit dhe trimerisë së tyre, të cilën e kanë treguar para dhe gjatë luftës, kanë edukuar dhe arsimuar përkrah kushteve të rënda ekonomike, sociale si dhe nën okupimin e pushtetit serb.Mesuesit tanë, për asnjë moment nuk u janë përkulur represionit sllav, dhe për asnjë moment nuk janë ndalur së punuari per këtë vend.
Mësuesit e vendit tonë, kanë mbajtur gjallë arsimin në Kosovë para, gjatë, dhe pas luftës, ku kanë edukuar dhe arsimuar gjenerate e gjenerata të tëra”, thuhet në njoftimin për media.

Me këtë rast mësueset u shprehën tejet të vlerësuara dhe të respektuara, ku në këtë ditë të shenjtë për to, si veterane të arsimit, edhe pse të pensionuara, nuk i harruan për festën e 7 marsit.