Një grup i grave ukrainase vullnetarisht po trajnohen për përdorimin e armëve që të jenë të zonja të vetëmbrohen në rast të pushtimit rus. Fundjavën me stërvitje e kaloi edhe Svetlina Putlina e cila drejton një organizatë fetare për gratë myslimane në Kharkiv .

Pesëdhjetë vjeçarja ka në plan të qëndrojë në qytet me anëtarët e moshuar të familjes për të luftuar kundër pushtimit.

“Fëmijët do të dërgohen në një vend që ne mendojmë se është të paktën relativisht i qetë, ndërsa personat e familjes sonë do të qëndrojnë në qytet për të mbrojtur vendin” deklaroi Svetlina Putlina, kryetare e organizatës së grave myslimane në Krahkiv.

Edhe Viktoria Balesina, 55 vjeç, merr pjesë në këto seanca stërvitore. Gjuha e saj amtare është rusishtja, por që nga fillimi i tensioneve ruse me Ukrainën, ajo përpiqet të flasë ukrainisht.

Kharkiv është qyteti i dytë më i populluar i Ukrainës, vetëm 40 kilometra nga kufiri me Rusinë. Disa kanë frikë se nëse Rusia sulmon, Kharkiv mund të jetë një nga objektivat e parë. Një grup tjetër grash që tashmë kanë kaluar trajnime ushtarake po i bashkohet vullnetareve që bëjnë rrjeta ushtarake për t’i dërguar në vijën e parë të frontit.

Grumbullimi i rreth 100 mijw trupave nga Rusia pranë kufirit me Ukrainën ka sjellë paralajmërime gjithnjë e më të forta nga Perëndimi se Moska synon të pushtojë. Rusia po kërkon garanci që NATO-ja të mos lejoj Ukrainën të bashkohet me aleancën dhe të ndalojë vendosjen e armëve ushtrisë veri-atlantike pranë kufijve rusë.