Taksa duhet të shfuqizohet si dhe fushatae Serbisë për tërheqjen e njohjes së pavarësisë së Kosovës duhet të ndalet.

Kështu tha përfaqësuesi i Amerikës për bisedimet Kosovë-Serbi, Richard Grenell në Beograd.

Ai në një konferencë të përbashkët pas takimit me presidentin serb, Aleksandar Vuçiq, tha se edhe dje në Prishtinë, kishte thënë në takime me të gjithë liderët dhe komunitetin e biznesit se taksa prej 100 për qind ndaj mallrave serbe duhet të largohet.