Grupi Hulumtues për Politika të Ballkanit iu ka bërë thirrje subjekteve politike, kandidatëve dhe koalicioneve, që garojnë në zgjedhjet e 22 tetorit në Kosovë, që të respektojnë Kodin e Mirësjelljes.

Në një deklaratë për medie theksohet se me qëllim të mbajtjes së suksesshme të zgjedhjeve lokale më 22 tetor 2017, avancimit demokratik dhe konsolidimin e institucioneve të Kosovës, si dhe në përputhje me ligjin për Zgjedhjet Lokale dhe Kodin e Mirësjelljes (rregulloren zgjedhore me nr. 11/ 2013), Grupi për Ballkan u bën thirrje subjekteve politike, kandidatëve dhe koalicioneve, që:
– Të angazhohen për mbarëvajtjen e zgjedhjeve të lira, të ndershme dhe demokratike;
– Të zhvillojnë fushatë dinjitoze, në kuadër të normave demokratike pa përdorim të gjuhës së urrejtjes dhe duke respektuar njëri tjetrin;
– Të respektojnë rezultatet e zgjedhjeve dhe zbatimin e tyre;
– Të respektojnë ligjet dhe rregulloret në fuqi.