Hamide Magashi pritet të varroset të premten, familja e 35 vjeçares hap dyert për ngushëllime

Prishtinë | 01 Dhj 2022 | 13:37 | Nga Hasan Hoti Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Familja e Hamide Magashit, 35 vjeçares që u vra nga bashkëshorti kanë hapur dyert për ngushëllime.

Familjarë, miq e të afërm, u panë teksa po hynë në oborrin e kësaj familje për të shprehur ngushëllime.

Ibush Syla nip i familjes Magashi tha për Ekonomia Online, se familja e të ndjerës është duke e përjetuar rëndë rastin.

Ai ka bërë të ditur se varrimi i të ndjerës pritet të bëhet nesër pasi që po presin familjarë nga Gjermania.

“Jam nip i tyre, rastin e kemi përjetuar rëndë. Më rëndë më nuk ka, dy vrasje janë bërë aty. Kufomën ende nuk e kanë sjellë, janë duke i prit edhe disa familjarë nga Gjermani, dhe nesër besoj se do të varroset e ndjera”, tha ai për EO.

Ajo u vra të mërkurën para objektit të Klinikës Gjinekologjike nga, ish-burri i saj Sokol Halili.

E ndjera kishte urdhër për mbrojtje nga Gjykata Themelore e Ferizajt deri në mars të 2023.

Policia ka njoftuar se i kanë kontrolluar disa lokacione por që i njëjti akoma nuk është kapur.

Gjykata Themelore në Ferizaj ka lëshuar një komunikatë për media, pasi të mërkurën në oborrin e QKUK-së, Sokol Halili dyshohet se ka privuar nga jeta tani të ndjerën gruan shtatzënë Hamide Magashi, 35-vjeç.

Lexo më shumë:

Të ngjashme