Kreu i Aleancës për Ardhmërinë e Kosovës, Ramush Haradinaj, ka reaguar pas aksidenteve me fatalitet që ndodhën dje në Kosovë, ku si pasojë e tyre vdiqën pesë persona e u lënduan rëndë tre të tjerë.

Haradinaj ka apeluar te çdo pjesëmarrës në komunikacion për kujdes të shtuar dhe respektim të rregullave, derisa i ka bërë thirrje Policisë që të jenë vigjilent dhe të pakompromis ndaj atyre që shkelin rregullat e komunikacionit dhe sigurinë.

“Me shqetësim dhe dhimbje të thellë po i përcjell lajmet për tragjeditë në komunikacion, të cilat rezultuan me humbje jete, fatkeqësisht. Apeloj te çdo pjesëmarrës në komunikacion për kujdes të shtuar dhe respektim të rregullave. Nuk është vetëm jeta juaj në lojë, por edhe jeta e të tjerëve!

Apeloj Policinë e Kosovës të jenë vigjilent dhe të pakompromis ndaj atyre që shkelin rregullat e komunikacionit dhe sigurinë. Bashkëndjejmë me familjet e viktimave, lutemi për shërim sa më të shpejt të të lënduarve!”, ka shkruar Haradinaj.

Ndryshe, pesë persona kanë mbetur të vdekur dhe tre të tjerë me lëndime të rënda si pasojë e tri aksidenteve trafiku, që kanë ndodhur gjatë ditës së djeshme në Kosovë. Aksidentet kanë ndodhur në Graçanicë, Podujevë dhe Pejë.

Postimi i plotë:

Mos e humbni jetën dhe mos i merrni jetën askujt në komunikacion

Me shqetësim dhe dhimbje të thellë po i përcjell lajmet për tragjeditë në komunikacion, të cilat rezultuan me humbje jete, fatkeqësisht. Apeloj te çdo pjesëmarrës në komunikacion për kujdes të shtuar dhe respektim të rregullave. Nuk është vetëm jeta juaj në lojë, por edhe jeta e të tjerëve!

Apeloj Policinë e Kosovës të jenë vigjilent dhe të pakompromis ndaj atyre që shkelin rregullat e komunikacionit dhe sigurinë. Bashkëndjejmë me familjet e viktimave, lutemi për shërim sa më të shpejt të të lënduarve!