Kryeministri i Kosovës, Ramush Haradinaj, në një pjesë të intervistës për BBC-në të publikuar gjatë ditës së sotme, ka folur për çështje të ndryshme që preokupojnë Kosovën që prej shpalljes së Pavarësisë dhjetë vjet më parë.

Haradinaj, i pyetur për faktin se sa e penalizon Kosovën që nuk është njohur ende nga pesë vende të BE-së, u shpreh se ky nuk është fundi i projektit të Kosovës dhe se shteti është në rrugë të drejtë për anëtarësim në OKB.

“Mendoj që ky nuk është fundit i projektit tonë, sot jemi anëtarë të shumë Organizatave Ndërkombëtare dhe shumë shtete të rëndësishme e kanë njohur Pavarësinë tonë, është e vërtetë që nuk na kanë njohur pesë shtete të Evropës ende, mirëpo unë mendoj se jemi në rrugë të drejt për anëtarsimin në OKB, por gjithsesi, nuk do të ndalemi këtu”, tha Haradinaj.

Haradinaj shtoi se hap kyç për normalizim të raporteve me Serbinë është forcimi i argumenteve dhe i Kushtetutës së Kosovës, duke përfshirë edhe rishikimin e gjendjes së serbëve të Kosovës.

“Duhet të forcojmë argumentet tona në raport me Serbinë, gjithashtu duhet edhe forcimi i mëtejshëm i Kushtetutës sonë, mirëpo duhet edhe rishikimi i gjendjes së serbëve të Kosovës”, tha ai.

Haradinaj pati kritika të forta nga gazetari i BBC-së i cili i tha atij që sa ishte në opozitë ishte pro Gjykatës Speciale, ndërsa me dalje në pozitë ai befasisht doli kundër saj, në këtë mënyrë duke rrezikuar edhe përspektivën evropiane të Kosovës.

Në anën tjetër Haradinaj u përgjigj se anash respektimit të vendimeve të OKB-së, është e natyrshme që kjo Gjykatë Speciale të përballet me kritika të shumta, dhe çështja kryesore në këtë rast është fakti që kjo është tentativa e katërt për sjelljen e drejtësisë në Kosovë, me tentativën e katërt që ai e quan një Gjykatë një etnike.

“Kosova ka qenë e hapur për të kaluarën, për të vërtetën dhe për të drejtën e viktimave të luftës, OKB-ja është marrë gjatë gjithë kohës me gjykimin e të dyshuarve për krime lufte, njerëzit në botë duhet të dijnë që kjo është tentativa e katërt për të sjellur drejtësi në Kosovë, e para ishte e Kombeve të Bashkuara, e dyta ishte Gjykata e Hagës, ndërsa e treta është Gjykata e EULEX-it. Kosova respekton Gjykatën Speciale, mirëpo është e rëndësishme të shprehet se kjo Gjykatë do të përballet me kritika të shumta edhe nga shumë ekspertë ligjor të se drejtës ndërkombëtare”, theksoi ai.

Duke u përgjigjur në pyetjen e gazetarit se edhe pjesëtarë të familjes së tij janë në listën e të akuzuarve të Gjykatës Speciale, Haradinaj u përgjigj:

“Nuk është e vërtetë që un dhe familja ime jemi përpjekur që me cdo kusht të zhbëjmë Gjykatën Speciale, Dauti më herët ka qenë pjesë e një gjykimi për raste të tilla, nuk është e vërtetë që ai nuk është i përgatitur edhe për Gjykatën Speciale, mirëpo është kundër përfitimit politik nga kjo Gjykatë, dhe kjo është përgjigja e tij përfundimtare këtu.”

“Qeveria është jonë është një qeveri stabile, mirëpo ne reflektojmë edhe në mendimet dhe ndjenjat e kombit dhe popullit, deputetët e parlamentit kanë mendime të ndryshme për Gjykatën Speciale dhe secili ka kritikat e veta. Gjykata Speciale është një etnike, mirëpo ne gjithsesi do ju përmbahemi obligimeve të cilat na janë dhënë, megjithatë, ky angazhim për t’i përmbushur obligimet nuk na ndalë neve që mos të shfaqim edhe kritikat tona, dhe ato kryesore për këtë gjykatë janë dy: që kjo është tentativa e katërt e ndërkombëtarëve për të sjellë drejtësi në Kosovë dhe fakti që kjo Gjykatë është një etnike”, shtoi Haradinaj.

Haradinaj foli edhe për raportin e Dick Martyt për Kosovën duke thënë që verdikti final në gjyqin ndaj tij ka dëshmuar që akuzat për trafikim organesh dhe droge në UÇK janë të pavërteta dhe imagjinare.

“Në gjyqet e zhvilluara ndaj meje është vërtetuar se akuzat për trafikim droge dhe organesh edhe për UÇK-në janë të pavërteta, raporti i Dick Martyt është vetëm një imagjinatë” tha ai.

Ndryshe, Haradinaj foli edhe për Demarkacionin me Malin e Zi, duke e quajtur atë si një kusht të vënë padrejtësisht nga Bashkimi Evropian për liberalizim vizash, duke theksuar që ka shtete që janë pjesë e NATO-s dhe ende nuk kanë zgjidhur kontestet e tyre kufitare.

“Ne kemi arritur një konsensus me Malin e zi për Demarkacionin, dhe me këtë është vërtetuar se kemi arsye të mjaftueshme për ta votuar atë, mirëpo është e çuditshme që liberalizimi i vizave është lidhur me ratifikimin e Demarkacionit, ne edhe sot kemi vende të cilat kanë probleme ende të pazgjidhura kufitare dhe kjo është e padrejtë” deklaroi Haradinaj.

Ai shtoi se megjithë përshtypjet e disa individëve për Kosovën, kjo e fundit është multientike, respekton të drejtat fetare dhe është kombi i personaliteteve të shquara të Skënderbeut, Nënë Terezës, Rita Orës e Dua Lipës dhe nuk ka ndonjë popullizëm në rritje.

“Kosova është multientike dhe respekton të drejtat e secilit, shumica jonë është muslimane mirëpo ne jemi më të lidhur me nacionalitetin tonë shqiptar, feja nuk është dicka që ne e prezentojmë vetën me atë, mendoj që bota na njeh neve se kush jemi, jemi kombi i Dua Lipës, Skënderbeut, Ismail Kadaresë, Nënë Terezës e Rita Oras, ne nuk jemi një popull me popullizëm në rritje”, përfundoi Haradinaj.