Hoxhaj: Dënimi i Karaxhiqit moment i rëndësishëm për viktimat e krimeve të orkestruara nga Beogradi

Prishtinë | 20 Mar 2019 | 16:09 | Nga Ekonomia Online

Gjykata e Hagës ka dënuar kriminelin serb, Radovan Karaxhiq me burgim të përjetshëm për krimet e kryera ndaj popullatës civile në Bosnjë e Hercegovinë.

Këtij lajmi i është gëzuar zëvendëskryeministri i Kosovës, Enver Hoxhaj, i cili reagoi përmes një postimi në Twitter.

Hoxhaj deklaroi se dënimi me burgim të përjetshëm për krimet ndaj civilëve, i kriminelit serb Karaxhiq, i cili pati rol kyç në gjenocidin e kryer në Bosnjë e Hercegovinë, është moment i rëndësishëm për të gjitha viktimat që kanë vuajtur sistematikisht nga veprimet kriminale të orkestruara në Beograd.

“Radovan Karaxhiq pati rol kyç në gjenocidin që bëri Serbia ndaj viktimave në Bosnjë e Hercegovinë, për çka sot mori dënimin me burg të përjetshëm. Ky është moment shumë i rëndësishëm për të gjitha viktimat që sistematikisht kanë vuajtur nga krimet e orkestruara në Beograd”, ka shkruar Hoxhaj.

Fjalë Kryesore:

Të ngjashme